做OL, 除非你身居要職或太過不識事務又辦事不力, 否則, 基本上你都可以低調地過日子而不需要被牽連到辦公室政治中。
但做服務性行業則不同, 每分每秒鐘你都在作戰, 因而有機會見識到人生百態, 所謂的百人買百貨, 咩人都有。
剛過去的兩天婚紗展, 我幫忙的那間婚禮統籌公司亦有參與。雖然, 我已不是第一趟參加, 但仍有不少小小的體會:
生意難做
今時今日, 作為老闆, 除了都要擁有劉德華sell的服務態度, 你還要識得把握每個promote自己公司/產品的機會, 著重售前及售後服務, 了解市場動向, 推銷技巧萬變 (即見人/鬼講不同說話)但又要俾人有真誠的感覺(永遠唔覺你黑面),有領導才能, 肯搏肯崖, 知道每個小數目都不能看輕….等等。最重要的是資金充裕, 以便可以隨時作出掉動。no free lunch之外, 即使為了賺那一千幾百, 也得費一翻唇舌, 只因小數怕長計。
你說做老闆除了要十八般舞藝, 還要承受十二分壓力及困身之苦, 我想我一生都只會當個稱職的員工而當不成老闆了。
態度
作為消費者, 當然要學得精明。但精明與有修養, 其實並沒有相矛盾的囉。
在我推銷其中一位客顧時, 她看過價目後明言我們收費昂貴, 於是我唯有回應她: 「都唔係既, 其實哩度收既價錢同市場收既差唔多, 但我地一定俾到高素質的service你, 先會收這個價囉。」我明我明, 可能我的推稍技巧很九流, 大不了你可以掉頭走人啫。誰不知, 這位外表高貴既女士, 以一副葉劉的藐咀藐舌咀臉反駁 : 「我唔認同喎, 咁人地收xx價, 但你地收xx價, 你地都係contract俾人地做啫, 咁你地markup咗個價, d嘢都係一樣咋喎。」然後, 不等我回應, 她已一手把我交給她的catalogue 交回給我, 仲要拋下一句 「咁貴, 我諗我唔啱勒。都唔需要哩d嘢。」我: 「……..」但心中已經xyz!@$#%#%&$囉!
冇人唔俾你比較價錢, 但比較還比較, 請你在說話之前用一用你的common sense或調整一下你的態度才好講話囉。我們作為一間婚禮統籌公司, 所賺取的就是每個工序中的差價, 我們收費合不合理, 見人見智, 我只可以講仍然不斷有人光顧。但你不能講到我們markup是有問題囉。不markup, 難道免費幫你做統籌(阿四)咩!
或者, 你不認同我何以大驚小怪, 但我仍然遇到很樂意提供資料以作日後聯絡, 詳細詢問細節後, 仍禮貌地表示要作多方面比較才作決定的couple。同樣不是即時光顧, 人家所顯示的就叫「修養」。
以前也說過, 現在重申, 修養跟衣著外表或學識地位並非必然地掛鉤的!
珍惜
其中一位年資較深的化妝師, 不時在我面前嘆息, 她的小助手不知自己資歷資質不足, 仍是終日懶散及不專心學習, 即使學了一整年仍然未能放手給她獨力工作。
我看著那一臉稚氣, 二十出頭的美少女助手, 這也難怪。這個世代, 肯跟你學足整整一年而還未放棄的已屬難得的一群了。 想當年, 我二十出頭還在發著豆牙夢呢, 除了愛情, 跟本不知自己追求的是甚麼。
跟年齡差一截的她們相比, 我們唯一的長處或許就是懂得珍惜機會。
然而, 如果沒有當日浪費了無數機會的昨天, 今天我們也不會如此珍惜吧。
所有東西, 都是在你察覺到所餘無多時, 才會拼命地狂抓的。
小願望
其中一對potential的大客戶原來想搞一個世紀大婚禮。 除了在港的三個整天豪華婚宴外, 還要額外請一team人(包括化妝師, 攝影師等等)到德個拍攝一套獨特的婚紗照。(我覺得好癲囉, 比做show還要耗人力物力! 結婚啫, 差D以為要上埋月球添呀!)
老闆立刻問我, 假如真的接到這單生意, 我可否抽空去做海外化妝工作。那還用問嗎!? 我當然舉腳參加啦。
不知何解, 德國是即使有錢,去英國法國意大利或日本南非澳洲荷蘭都未輪到的地方。所以十分期待這個大project能夠接洽成功,到時起碼可以節省一大筆旅費!
No comments:
Post a Comment